İranlı deputat: “Zəngəzur dəhlizi layihəsinin tamamlanması 4-5 il çəkəcək”

“Ermənistanla ABŞ arasında bağlanan müqavilə ölkəmiz üçün siyasi təhlükədir”.

Azadfikir.az  xəbər verir ki, bunu İran Parlamentinin Quruculuq Komissiyasının üzvü Əlireza Nesari “Khabarfori” saytına açıqlamasında deyib.

O qeyd edib ki, Zəngəzur Dəhlizi layihəsi marşrutunun İrandakı 107 kilometrlik hissəsinin təkmilləşdirilməsinə və tikintisinə ehtiyacı var və bu iş sürətlə gedir. “Zəngəzur dəhlizi layihəsinin tamamlanması 4-5 il çəkəcək. Ermənistan və Azərbaycan da bunun üzərində işləyirlər”.

Nesari onu da bildirib ki, İran bəzi addımlar atmalıdır. “Biz iki məsələni proqnozlaşdırmalıyıq: İran torpağından keçən hissə tamamlanarsa, ağırtonnajlı nəqliyyatın keçidi daha asan olacaq. Bu marşrutu təmin etsək, onlar bizim marşrutla keçmək məcburiyyətində qalacaqlar”.