15 dekabr Beynəlxalq Esperanto Günü kimi tarixə düşüb

15 dekabr Beynəlxalq Esperanto Günü kimi XIX əsrin sonlarından etibarən formalaşan ideoloji və mədəni bir prosesin nəticəsidir. 

Azadfikir.az xəbər verir ki, bu tarix esperanto dilinin yaradıcısı olan polyak əsilli həkim və dilçi Lüdviq Lazar Zamenhofun 1859-cu il 15 dekabr tarixində anadan olması ilə bağlıdır. Zamenhof çoxmillətli və çoxdilli mühitdə böyümüş və dillərarası anlaşılmazlıqların sosial münaqişələrə səbəb olduğunu müşahidə etmişdi. Bu müşahidələr onu neytral, sadə və hər kəs üçün əlçatan beynəlxalq dil yaratmağa sövq edib. Esperanto dili 1887-ci ildə ictimaiyyətə təqdim edildikdən sonra müxtəlif ölkələrdə tərəfdar qazanmağa başlayıb. 15 dekabr tarixinin xüsusi gün kimi qeyd edilməsi isə XX əsrin əvvəllərində Avropa ölkələrində esperanto hərəkatının təşəbbüsü ilə yayılıb. Dilçilik elmi baxımından esperanto planlı dil kimi struktur sadəliyi və öyrənmə asanlığı ilə seçilir. 

Beynəlxalq Esperanto Günü bu gün dil vasitəsilə qlobal bərabərlik, mədəni dialoq və sülh ideyalarının təbliği məqsədi daşıyan simvolik tarix kimi qeyd olunur.