Azərbaycanda siyasi partiyaların büdcəsinin artırılması təklif olunur

Azadfikir.az xəbər verir ki, bunu Milli Məclisdə 2026-cı ilin büdcə zərfinin ikinci oxunuşda müzakirəsi zamanı parlamentin Regional məsələlər komitəsinin sədri, deputat Siyavuş Novruzov deyib.

O bildirib ki, yerli özünüidarəetmə sisteminə artımların əlavə olunmasına ehtiyac var: "Müəyyən qədər büdcədə imkan yaranarsa, artımı etmək olardı ki, yerli özünüidarəetmə sisteminin fəaliyyəti geniş, əhatəli olsun. Xocavənd rayonu istisna olmaqla digər rayonlarımız öz gəlirlərini toplayır və topladığı gəlirlərin artığının 50% həmin rayonlarda qalır. Hesab edirəm ki, bunu 70%-ə qaldırmaq olar". 

"Vətən xaini olan AXCP və Müsavat partiyalarını çıxmaq şərti ilə yerdə qalan digər partiyalar ümumdövlət maraqları çərçivəsində birlikdə fəaliyyət göstərir. Bu baxımdan, siyasi partiyaların büdcəsinin artırılması məqsədəmüavfiq olardı", - deyə S.Novruzov vurğulayıb.