Niyə bəzi musiqilər insanın ruh halını dərhal dəyişir?

Musiqi sadəcə əyləncə vasitəsi deyil; o, insan beyninə dərhal təsir göstərən güclü bir stimuldur. 

Azadfikir.az xəbər verir ki, ritm, melodiya və harmoniya beyində dopamin və serotonin kimi “xoşbəxtlik hormonları”nı aktivləşdirir. Bu səbəbdən bəzi musiqilər dərhal əhval-ruhiyyəni yüksəldə, stressi azalda və hətta insanı daha yaradıcı edə bilir.

Psixoloqların araşdırmalarına görə, beynin limbik sistemi, yəni emosiyaları idarə edən mərkəz musiqiyə çox həssasdır. Yüksək ritmli və enerji dolu melodiyalar adrenalini artıraraq hərəkət və motivasiyanı stimullaşdırır, sakit və melodik musiqilər isə sakitləşdirici effekt göstərir.

Bundan əlavə, musiqi xatirələr və emosiyalar arasında körpü rolunu oynayır. Müəyyən bir mahnı keçmişdəki xoş anları yada salırsa, insan dərhal həmin emosional vəziyyətə qayıda bilər. Bu da musiqinin insan ruh halını dəyişdirməsinin səbəblərindən biridir.